بعد الولادة

مبروك! والحمدالله عسلامتك.

مشوار الحمل اختتم بالولادة. ولادة طبيعية، ام قيصرية ...

من لحظة خروج طفلك للعالم.. بديتي مشوارك الامومة.

ومن هون بتنتهي نشر المعلومات المهمة، والمرأة بتلاقي نفسها ضايعة، بفترة بعد الولادة، الي هي فترة جدا حساسة.

بالافلام، بعد الولادة المرأة مرتبة، مبسوطة، نحيفة، طفلها مبسوط نايم نوم عميق ، والمرأة جالسة عالصوفا حد جوزها، وتنيناتهم بشربوا قهوة،مسترخين ومبسوطين.

وانت بترسمي براسك هاي الصورة ومتأكدة انو هيك الحياة بعد الولادة.

بس...... بدي اطلب منك طلب... امحي من راسك هاي الصورة، وابني لنفسك انت واقع واقعي الك لبيتك ولزوجك وطفلك بعد الولادة.

هاد المنشور الك، وفيه معلومات مهمة تعرفيها شو بستناك بعد الولادة.

نفس عميق ....

بعد الولادة الجسم والنفسية بمروا بكثير تغييرات

راح ابدا بالاول بالحالة النفسية

اول ١٠ ايام من الولادة 70-80% من النساء بتشعر اضطرابات نفسية، ممكن تشعري بالوحدة، بكاء بدون سبب ، ارهاق .. وحتى انك مش شاعري مشاعر تجاه طفلك، هاي المشاعر جدا طبيعية ، لكن مهم جدا تكوني محاطة بناس داعمة وتحويكِ. بحال وهاي العوارض ازدادت ،بعد ١٠ ايام مهم جدا التوجه للطبيب النساء/ المعالج .

دورك في المجتمع والعيلة يتغير، لهيك المسؤولية تكبر، وممكن هاد الشي يسببلك اضطرابات او ضغوطات.

مهم انت وزوجك تحكوا سوا عن الحياة بعد الولادة بفترة الحمل ، تلائم توقعات وتقسيم المهام حتى يكون اسهلك تتأقلمي للحياة الجديدة.

جسمك راح يمر بتغييرات كثيرة منها لأجل رجوع لحالته القبل الحمل قدر الامكان .

6 اسابيع بعد الولادة، الرحم يتشنج حتى يعود لحجمه السابق، نتيجة لهيك راح تشعري بألم دورة الشهرية (خاصة وقت الرضاعة) ايضاً، طبيعي يكون في نزيف ، راح يبدا يخف بشكل تدريجي .

السوائل الاضافية الي كانت وقت الحمل راح تخرج من الجسم عن طريق البول (كمية البول تزداد) او عن طريق انتفاخ الأرجل . هذا الوضع جدا طبيعي ومؤقت .

تساقط الشعر جدا طبيعي بعد الولادة، ما في حاجة لاستخدام وشراء مستحضرات خاصة ومكلفة. اعطي نفسك وقت، استمري بتناول الفيتامينات. بحال وشعرت التساقط حاد ومش طبيعي ممكن تتوجهي لطبيب الجلد او طبيب المعالج.

جدا طبيعي الرغبة للعلاقة الحميمة تخف, الإرهاق,عدم النوم بشكل متواصل. المسؤولية ممكن تتعبك وتشعري انك اقل راغبة العلاقة. بحب اقلك طبيعي ومهم تشاور الأمور بالحمل ومشاركة الزوج . بالإضافة ممكن تشعري جفاف مهبلي بسبب الهورمونات وخاصة بفترة الرضاعة مما يسبب الم وقت العلاقة. ممكن التوجه لطبيب النساء.واستخدام مرطب مهبلي امن.

مفضل العلاقة الحميمة ترجع بعد وقوف النزيف وبحال عدم وجود الم .

اول العلاقة مفضل عدم اختراق المهبل بشكل كامل ومفضل بوتيرة بطيئة وامنة.

جسمك يعود لنفسه تدريجيا. عمهلك.. اعطي نفسك وقت.

الجسم بحتاج حتى 6 اشهر على الأقل. اول 6 اسابيع امتنعي من رفع اثقال (فوق ال 5 كيلو).

مهم ممارسة تمارين ا لحوض اذا امكن. حتى نقوي عضلات الحوض.

كتير حابي اقلك انك رهيبة. صح الفترة بعد الولادة ممكن تكون صادمة نوعا ما, بس كوني متسامحة مع نفسك , مرقت حمل وولادة فترة ابدا مش سهلة . ومع عهيك شوفي حالك وين وصلت.

كل يوم هو يوم جديد حتى تسترجعي طاقاتك وتتعلمي عنفسك وعطفلك.

واخر اشي بدي اقلك أيا : بنفعش نصب مي من قنينة فارغة. اهتمي بحالك حتى تعتني بغيرك.

بتمنالك بداية امومة سهلة ومتسامحة.

زميلتك بالحياة, مي (ميكا)